Inicio »
2012 » Octubre » 17 » Ամբողջ աշխարհից Հայաստան ժամանած հեղինակավոր լրագրողներն ու խմբագրապետերը` Լրագրողների համահայկական 6-րդ համաժողովին
01:33 Ամբողջ աշխարհից Հայաստան ժամանած հեղինակավոր լրագրողներն ու խմբագրապետերը` Լրագրողների համահայկական 6-րդ համաժողովին |
 ՀԱՍԱՐԱԿՈՒԹՅՈՒՆ ՀՀ ՍՓՅՈՒՌՔԻ ՆԱԽԱՐԱՐՈՒԹՅՈՒՆ
05.10.2012
Հոկտեմբերի 5-ին Աղավնաձորում շարունակվեց ՀՀ սփյուռքի նախարարության կազմակերպած ‹‹Հայոց ցեղասպանության 100-րդ տարելիցին ընդառաջ›› խորագրով անցկացվող Լրագրողների համահայկական 6-րդ համաժողովը: Շարունակվում են նախորդ օրը սկիզբ առած քննարկումները հայաստանյան և աշխարհասփյուռ հայ մամուլի՝ Հայոց Ցեղասպանության 100-րդ տարելիցին ընդառաջ միասնական ռազմավարության, միջազգային հանրությանը տեղեկատվության միևնույն՝ հստակ և ազդեցիկ ‹‹հաղորդագրություն›› մատուցելու շուրջ:
Համաժողովի երկրորդ օրվա նիստն ընթանում է ‹‹Հայոց ցեղասպանությունն ու հայ լրագրությունը››խորագրով: Արդեն իսկ ելույթներ են ունեցել Լիբանանի ‹‹Խոսնակ›› ամսագրի գլխավոր խմբագիր Համբիկ Մարտիրոսյանը՝ ներկայացնելով Հայոց ցեղասպանության արդի հիմնախնդիրները Մերձավոր Արևելքի ԶԼՄ-ում, Ֆրանսիայի ‹‹Եվրոպա և Արևելք›› ամսագրի տնօրեն Վարուժան Սիրապյանը, ՀՅԴ Հայ դատի և քաղաքական հարցերի գրասենյակի տնօրեն Կիրո Մանոյանը, Հայաստանի ժուռնալիստների միության փոխնախագահ Գրիգոր Ջանիկյանը, Քուվեյթից՝ Կիրակոս Գույումջյանը:
Օրվա երկրորդ կեսին կսկսվի ‹‹Հեռուստատեսությունն ու ռադիոն Հայոց ցեղասպանության ճանաչման գործընթացում›› խորագրով նիստը: Երրորդ նիստը կրում է ‹‹Հայոց Ցեղասպանության հիմնախնդրի արծարծումը միջազգային մամուլում›› խորագիրը:
Երեկոյան Լրագրողների համահայկական 6-րդ համաժողովի մասնակիցները կհանդիպեն ՀՀ վարչապետ Տիգրան Սարգսյանի հետ:
Կամփոփվեն ‹‹Հայապահպանության գործում նշանակալի ավանդի համար համահայկական մրցույթի›› և ‹‹Արցախն ակնթարթներում›› լուսանկարների մրցույթի արդյունքները, կկայանա մրցանակաբաշխություն:
|
|
Visiones: 817 |
Ha añadido: defaultNick
| Ranking: 0.0/0 |
