Inicio »
2012 » Marzo » 23 » «Արարատ» հայկական միությունը մասնակցել է Վալենսիայի միությունների և կազմակերպությունների գալա-համերգին
11:52 «Արարատ» հայկական միությունը մասնակցել է Վալենսիայի միությունների և կազմակերպությունների գալա-համերգին |
Զուտ հայկական նշանակություն ստացած
կանանց մեկամսյակը կարծես թե իր վարակիչ ազդեցությունն է ունենում նաև
Վալենսիայի բնակիչների՝ հատկապես նախկին խորհրդային երկրների ժողովուրդների
վրա: Եվ դա միանգամայն հասկանալի է. գեղեցկության տոնը համընկնում է
գարնանային զարթոնքին: Ու թեև Իսպանիայի գարունը, որպես այդպիսին, այնքան
էլ չի նշմարվում կամ տարբերակվում մյուս եղանակներից, այնուամենայնիվ
ամենուրեք նկատելի է տոնական բարձր տրամադրությունը, երգն ու պարը:
Ահա այդ լավ տրամադրությունը շրջապատին
փոխանցելու համար էլ Վալենսիայի Օլիմպիա հյուրանոցային համալիրում
կազմակերպվել էր գալա-համերգ՝ նախկին խորհրդային ժողովուրդների
մասնակցությամբ: Նախաձեռնության առաջատարներն էին ռուսական «Կալինկա»
պարային համույթն ու «Հյուսիսային Աստղ» միությունը, «Էդդի-Դոր» երաժշտական
ակումբը ու «Արարատ» հայկական միությունը:
Ինչպես «Հայերն այսօրին» տեղեկացնում են միությունից, Համերգի ժամանակ
փայլուն ելույթ ունեցան հայկական դպրոցի սաները, ովքեր միաժամանակ հաճախում
են «Էդդի-Դոր» երաժաշտական ակումբ, որի հիմնադիրներն են Էդվարդ
Դորոշենկո-Պետրոսյանը և Հելեն Հարութը: Հանդիսատեսը պարզապես կլանված էր
16-ամյա Լիլիթ Ավետիսյանի և 13-ամյա Լանա Բաբայանի զրնգուն ձայներով: Իսկ
ահա 6-ամյա Հելենա Ղուկասյանը պարզապես գրավել էր հանդիսատեսի սիրտը:
Հայ երեխաներին լրացնելու էր եկել ինքը՝ տենոր էդվարդ Դորոշենկո
Պետրոսյանը, ով 1987-1992 թվականներին ուսանել է Երևանի Կոմիտասի անվան
պետական կոնսերվատորիայում:
Համերգին ներկայացվեց նաև ռուսական ֆոլկլոր և իսպանական ֆլամենգո:
Աննախադեպ էր Մարատ և Իննա Յարուլինների տնօրինությամբ գործող «Կալինկա»
պարային համույթի ելույթը. սաներն ու պարուսույցները ներկայացրին վալսի,
լատինական և սպորտային պարերի ողջ գեղեցկությունը: Ահա այսպես իսպանացի (և
ոչ միայն) հանդիսատեսին հերթական անգամ ներկայացվեց խորհրդային
ժողովուրդների բազմամշակույթ արվեստը:
|
|
Visiones: 1011 |
Ha añadido: defaultNick
| Ranking: 0.0/0 |
