Miércoles
18.10.2017
21:41
Formulario de entrada
Búsqueda
Calendario
«  Marzo 2015  »
LuMaMiJuViSaDo
      1
2345678
9101112131415
16171819202122
23242526272829
3031
Archivo de registros
Nuestra encuesta
Estimen mi sitio
Total de respuestas: 35
Amigos del sitio
  • Cree su sitio
  • Estadística

    Total en línea: 1
    Invitados: 1
    Usuarios: 0

    Asociación Armenia Ararat

    Inicio » 2015 » Marzo » 2 » «Արարատի հուշը» («La memoria del Ararat»)
    17:11
    «Արարատի հուշը» («La memoria del Ararat»)

    «Արարատի հուշը» «(La memoria del Ararat»)

    Վալենսիայի «Պատագոնիա» գրախանութում օրերս տեղի ունեցավ իսպանացի գրող, լրագրող, «Էլ պերիոդիկո» («El periódico») օրաթերթի թղթակից Խավիեր Մորետի (Xavier Moret) «Արարատի հուշը» («La memoria del Ararat») գրքի շնորհանդեսը:

    Արարատ Հայկական Միության այս հերթական նախաձեռնությունը, որը համընկավ նաև Հայաստանում գիրք նվիրելու օրվան, Հայոց ցեղասպանության 100-րդ տարելիցին նվիրված միջոցառումների շարքին է պատկանում, որոնց մեկնարկը տրվել էր դեռևս նախորդ տարի:

    Շնորհանդեսը սկսվեց հենց գրքի նվիրումով. հայկական միության նախագահ Արարատ Ղուկասյանն իր հեղինակած «Փնտրտուքների ճանապարհին» բանստեղծությունների ժողովածուն նվիրեց Խավիեր Մորետին, ով խոստացավ հաջորդ հանդիպման ժամանակ ստեղծագործություններից մեկն ասմունքել հայերեն: Այնուհետև միջոցառումը վարող Ա. Ղուկասյանն անսպասելի հարց ուղղեց հեղինակին, որը գրքում կարծես թե ինչ-որ չափով անպատասխան էր մնացել. «Դուք եղել եք Հայաստանում և Ադրբեջանում: Ովքե՞ր են Ձեզ ավելի շատ դուր եկել՝ հայե՞րը, թե՞ ադրբեջանցիները»:

    Հարցն անսպասելի էր, սակայն Խավիեր Մորետն անակնկալի չեկավ: «Կարծում եմ,- պատասխանեց նա,- իմ այս քայլով արդեն պարզ է իմ պատասխանը. ես սիրում եմ Հայաստանը և հայ ժողովրդին»: Ի պատասխան՝ Արարատ Ղուկասյանն ասաց. «Ես և իսպանահայությունը սիրում ենք Իսպանիան՝ շնորհիվ քո նման բարեկամների և հայի պես ջերմ իսպանացի ժողովրդի»: Այս ինքնատիպ բացումը համեմվեց «Ես իմ անուշ Հայաստանի…» բանաստեղծության իսպաներեն ասմունքով՝ 6-ամյա Խաչիկի կատարմամբ:

    Այնուհետև Արարատ Ղուկասյանը ներկայացրեց հեղինակին՝ գրող, լրագրող, «Էլ պերիոդիկո» օրաթերթի թղթակից, հայ ժողովրդի բարեկամ Խավիեր Մորետին, ում հետ բոլորովին վերջերս հանդիպել էր Իսպանիայի պետական հեռուստատեսությունում՝ Հայոց ցեղասպանության 100-րդ տարելիցի և միջազգային ճանաչման կապակցությամբ կազմակերպված հարցազրույցի ժամանակ: Հայկական միության նախագահը շնորհակալություն հայտնեց Մորետին՝ Հայաստանի և հայ ժողովրդի հանդեպ տածած սիրո և համակրանքի համար և շնորհավորեց հայ-իսպանական հասարակությանը՝ «մեր հայրենի երկրի վերաբերյալ իսպաներեն նոր գրքի» լույս տեսնելու կապակցությամբ:

    Այնուհետև խոսք առավ Խավիեր Մորետը, ով հանգամանալից պատմեց գիրքը գրելու դրդապաճառների, Հայաստան կատարած իր շրջագայության և աշխարհի տարբեր երկրներում հայկական հետքը հայտնաբերելու իր աննախադեպ փորձի մասին: Ի պատասխան հեղինակի խոսքի՝ 9-ամյա Հելենան իսպաներեն ասմունքեց Վիլյամ Սարոյանի հանրահայտ խոսքերը՝ աշխարհի ցանկացած ծագում հանդիպած երկու հայի մասին:

    Հավաքվածներն ու անձամբ ինքը՝ Մորետը, աննկարագրելի պահեր ապրեցին ողջ շնորհանդեսի ընթացքում: Իսպանացի գրողը ևս մեկ անգամ համոզվեց հայի աննկուն ուժի և ապրելու ու արարելու աննահանջ առաքելության մեջ: «Շնորհակալ եմ նման գեղեցիկ երեկոյի համար, շնորհակալ եմ որ դուք կաք և աշխարհին տվել եք այնպիսի անհատականություններ, ինչպիսիք են Շարլ Ազնավուրը, Արամ Խաչատրյանը, Սայաթ Նովան կամ Տիգրան Պետրոսյանը»,- անթաքույց նվիրվածությամբ ասաց գրողը:

    «Դե քանի որ նշեցիր հայ երաժշտարվեստի դեսպաններին,- լրացրեց նրան Արարատ Ղուկսյանը,- ուրեմն սիրում ես հայկական երաժշտությունը: Ե՛վս մեկ նվեր քե՛զ, հայերիս բարեկամ»,- և անսպասելիորեն դահլիճում սավառնեց հայկական շվիի քաղցր հնչյունների ելևեջները՝ Ռուբեն Հարությունյանի կատարմամբ:  Անակնկալի եկած իսպանացի գրողն անթաքույց գոհունակությամբ էր լսում շվիի կենդանի կատարումը հայկական միության ամենաակտիվ անդամներից մեկի՝ Ռուբեն Հարությունյանի կատարմամբ,- ով նախքան նվագելը՝ պատմեց ցեղասպանությունից հրաշքով փրկված իր հոր պատմությունը:

    «Եվս մեկ անգամ հորդորում եմ Իսպանիայի, Իսրայելի և այլ երկրների կառավարություններին՝ ճանաչել Հայոց ցեղասպանությունը»,- եզրափակեց իր խոսքը Մորետը:

    Այնուհետև հերթը հասավ հարց-պատասխաններին, որոնց սպառիչ պատասխաններ տվեցին Արարատ Ղուկասյանն ու Խավիեր Մորետը: Հավաքված իսպանացի հանդիսատեսը խոստացավ հետամուտ լինել Վալենսիայի և Իսպանիայի կառավարությունների կողմից Հայոց ցեղասպանության ճանաչմանը և օգնել դրանում հայ համայնքին:

    Visiones: 155 | Ha añadido: defaultNick | Ranking: 0.0/0
    Total de comentarios: 0
    Nombre *:
    Email *:
    Código *: