Lunes
20.11.2017
03:28
Formulario de entrada
Búsqueda
Calendario
«  Febrero 2013  »
LuMaMiJuViSaDo
    123
45678910
11121314151617
18192021222324
25262728
Archivo de registros
Nuestra encuesta
Estimen mi sitio
Total de respuestas: 35
Amigos del sitio
  • Cree su sitio
  • Estadística

    Total en línea: 1
    Invitados: 1
    Usuarios: 0

    Asociación Armenia Ararat

    Inicio » 2013 » Febrero » 7 » Բաքվում ճնշումներ են սկսվել հայկական ջարդերի մասին գրքի հեղինակի ու նրա ընտանիքի նկատմամբ
    00:51
    Բաքվում ճնշումներ են սկսվել հայկական ջարդերի մասին գրքի հեղինակի ու նրա ընտանիքի նկատմամբ
    ՀԱՍԱՐԱԿՈՒԹՅՈՒՆ 
    06.02.2013


    Ադրբեջանում բռնաճնշումներ են սկսվել  հայերի ջարդերի մասին պատմող «Քարե երազներ» գրքի հեղինակ, ժողովրդական գրող Աքրամ Այլիսլիի եւ նրա ընտանիքի անդամների նկատմամբ:
    Ինչպես հաղորդում է «Արմենպրես»-ը` վկայակոչելով gunxeber.az լրատվական կայքը, Աքրամ Այլիսլին հայտարարել է, որ ստեղծված բարոյահոգեբանական տհաճ միջավայրի պատճառով աշխատանքից ազատվելու դիմում է ներկայացրել իր կինը` Գալինա Ալեքսանդրովնան, ով զբաղեցնում է Բաքվի Կենտրոնացված գրադարանների համակարգի թիվ 3 գրադարանի տնօրենի պաշտոնը:

    Բացի դրանից, Ադրբեջանի իշխանությունները գրողին ստիպել են հեռանալ պետության կողմից նրան հատկացված ամառանոցից: Աքրամ Այլիսլին հաստատել է, որ աշխատանքից ազատել են նաեւ իր որդուն` Նաջաֆ Այլիսլիին, ով զբաղեցնում էր Ադրբեջանի պետական մաքսային կոմիտեի ֆինանսատարիֆային եւ արտարժույթի վերահսկողության գլխավոր վարչության Աքցիզային բաժնի պետի պաշտոնը եւ ուներ գնդապետի կոչում:

     Գալինա Ալեքսանդրովնան աշխատակիցներին ասել է, որ ամուսնու գրած վեպի պատճառով Բաքվում իրենց համար անտանելի վիճակ է ստեղծվել, եւ իրենք արդեն մտածում են Ադրբեջանից հեռանալու մասին:

    «Քարե երազներ» գրքում, որն անցած տարվա դեկտեմբերին լույս է տեսել ռուսաստանյան «Դրուժբա նարոդով» հանդեսում, Աքրամ Այլիսլին ականատեսների վկայությունների հիման վրա հանգամանորեն նկարագրում է անցյալ դարասկզբին Ագուլիսում եւ 1988-90-ական թվականներին Սումգայիթում եւ Բաքվում հայ խաղաղ բնակիչների դեմ ադրբեջանցիների իրագործած գազանությունների ու սպանությունների մասին:

    Վեպում ակնարկվում է, որ իրադարձությունները Սումգայիթում կարող էր կազմակերպած լինել Ադրբեջանի նախկին առաջնորդը, որը նման կերպ ցանկացել էր վնասել Գորբաչովին:

    Վերջին օրերին, «Քարե երազներ» գրքի հետ կապված,Բաքվում մի շարք բողոքի ակցիաներ են անցկացվել, որոնց մասնակիցները վեպը որակել են որպես «ադրբեջանցիներին եւ թուրքերին խայտառակող», իսկ գրողին մեղադրել «դավաճանության» մեջ: Ադրբեջանի խորհրդարանում քննարկումների ժամանակ պատգամավորների մեծամասնությունը պահանջել է Այլիսլիին զրկել քաղաքացիությունից, «Ժողովրդական գրող» կոչումից, պետական մյուս պարգեւներից եւ վտարել երկրից: Միաժամանակ, Ադրբեջանի նախագահի աշխատակազմի հասարակական-քաղաքական բաժնի ղեկավար Ալի Հասանովն Աքրամ Այլիսլիին մեղադրել է ազգային պատկանելություն չունենալու մեջ եւ նշել, որ նա իրավունք չունի խոսելու համամարդկային արժեքների մասին: «Մենք պետք է հասարակական ատելություն դրսեւորենք նման մարդկանց նկատմամբ», -հայտարարել է նա:

    Ադրբեջանի գրողների միությունը դատապարտել է «Քարե երազներ» գիրքը եւ այդ մասին այսօր տարածած հայտարարության մեջ նշել, որ այնտեղ փաստերն «աղավաղված» են, եւ որ գեղարվեստական առումով այն «շատ թույլ» վեպ է:
    Visiones: 238 | Ha añadido: defaultNick | Ranking: 0.0/0
    Total de comentarios: 0
    Nombre *:
    Email *:
    Código *: