Inicio »
2012 » Octubre » 22 » Բեյրութում տեղի ունեցած պայթյունի հետեւանքով մեկ հայ է զոհվել
01:21 Բեյրութում տեղի ունեցած պայթյունի հետեւանքով մեկ հայ է զոհվել |
20.10.2012
Բեյրութում տեղի ունեցած պայթյունի հետեւանքով մեկ հայ է զոհվել Լիբանանի մայրաքաղաք Բեյրութում հոկտեմբերի 19-ին տեղի ունեցած պայթյունի հետեւանքով զոհվածների թվում է հայազգի Ժորժետ Սարկիսյանը: Ինչպես հաղորդում է «Արմենպրես»-ը` վկայակոչելով Nouvelles d’Armenie-ն, պայթյունը տեղի է ունեցել Քաթաեբ կուսակցության գրասենյակից շուրջ 300 մետր հեռավորության վրա: Վիրավորների թվում է նաև հայկական ազգանունով 9-ամյա Նոյ Դոդելյանը:
Ավելի վաղ «Արմենպրես»-ի հետ զրույցում ՀՀ ԱԳՆ մամլո խոսնակ Տիգրան Բալայանը նշել էր, որ զոհերի և վիրավորների թվում հայերի առկայության առնչությամբ տեղի դեսպանությունը ճշտում է տվյալները:
Հոկտեմբերի 19-ին քրիստոնեական Աշրաֆիե թաղամասում ականապատ մեքենա է պայթել` խուճապ տարածելով բնակիչների շրջանում:
Լիբանանի մայրաքաղաք Բեյրութում հոկտեմբերի 19-ին տեղի ունեցած պայթյունի հետեւանքով զոհերի թիվը հասել է 8-ի, իսկ վիրավորներինը` 94-ի:
Մինչ այժմ չի պարզվել` տեղի ունեցած պայթյունն ում դեմ էր ուղղված:
Սիրիայի տեղեկատվության նախարարը խիստ քննադատել է ահաբեկչությունը` ավելացնելով, որ արարքն անպատիժ չի մնալու:
Բեյրութում բնակվող մեր հայրենակիցն ավելի վաղ տեղեկացրել էր, որ Բեյրութի քրիստոնեական Աշրաֆիե թաղամասի Սասին հրապարակում ականապատ մեքենա է պայթել` խուճապ տարածելով բնակիչների շրջանում: Արաբական աղբյուրներից մեկը տեղեկացրել էր, որ պայթյունի հետեւանքով վիրավորվել է 15 մարդ:
Ավելի վաղ ՄԱԿ-ի գլխավոր քարտուղար Պան Գի Մունն իր անհանգստությունն է հայտնել Լիբանանի վրա սիրիական ճգնաժամի ազդեցության առիթով:
Նրա խոսքով` սիրիալիբանանյան սահմանին լարվածությունը մեծանում է: Մեծ թվով սիրիացի փախստականներ մեկնում են Լիբանան` խուսափելով երկրում տեղի ունեցող բախումներից:
Պան Գի Մունը մտավախություն ունի, որ Լիբանանում սիրիացի փախստականների բնակության հաստատումը, ինչպես նաեւ ալեւիների եւ սուննիների միջեւ բախումները կարող են ապակայունացել երկրի վիճակը:
|
|
Visiones: 841 |
Ha añadido: defaultNick
| Ranking: 0.0/0 |
