Jueves
29.06.2017
04:55
Formulario de entrada
Búsqueda
Calendario
«  Octubre 2012  »
LuMaMiJuViSaDo
1234567
891011121314
15161718192021
22232425262728
293031
Archivo de registros
Nuestra encuesta
Estimen mi sitio
Total de respuestas: 35
Amigos del sitio
  • Cree su sitio
  • Estadística

    Total en línea: 1
    Invitados: 1
    Usuarios: 0

    Asociación Armenia Ararat

    Inicio » 2012 » Octubre » 29 » «Հայապահպանության գործում նշանակալի ավանդի համար» մրցանակաբաշխության հայտադիմումների ընդունման վերջնաժամկետը նոյեմբերի 15-ն է
    22:18
    «Հայապահպանության գործում նշանակալի ավանդի համար» մրցանակաբաշխության հայտադիմումների ընդունման վերջնաժամկետը նոյեմբերի 15-ն է

    29.10.2012

    Հայաստանի Հանրապետության սփյուռքի նախարարությունը, Համաշխարհային հայկական կոնգրեսը և Ռուսաստանի հայերի միությունը «Հայապահպանության գործում նշանակալի ավանդի համար» համահայկական ամենամյա մրցանակաբաշխության շրջանակներում հայտարարում են 2012թ.ի մրցույթի պայմանները հետևյալ անվանակարգերում`
    «Հայկական կրթօջախ», «Մայրենիի պաշտպան»: Հայտարարվում է նաև «Ցեղասպանության 100-ամյա տարելիցը» խորագրով շարադրությունների մրցույթ:
    Բոլոր անվանակարգերում սահմանված են 1-ին, 2-րդ, 3-րդ կարգի և խրախուսական մրցանակներ:
     
    Ա. «Հայկական կրթօջախ» մրցույթի նպատակն է խրախուսել Սփյուռքում հայ ազգային ինքնության պահպանման ու զարգացման, սերունդների հայեցի կրթության և դաստիարակության, հայապահպանական ծրագրերի իրականացման գործում նշանակալի ներդրում ունեցող մեկօրյա հայկական կրթօջախներին, խթանել նրանց ստեղծումն ու ազգապահպան գործունեությունը:
     
    Մրցույթը կանցկացվի հետևյալ ենթաանվանակարգերում`

    1. «Նորաբաց մեկօրյա», որին կարող են մասնակցել վերջին երեք տարիների ընթացքում ստեղծված մեկօրյա դպրոցները:
     
    2. «Մեկօրյա դպրոց», որին կարող են մասնակցել երեք և ավելի տարի գործող մեկօրյա` շաբաթօրյա, կիրակնօրյա, նաև երկօրյա կրթօջախները:
     
    Մրցույթին չեն կարող մասնակցել այն մեկօրյա դպրոցները, որոնք դարձել  են նախորդ` 2010թ. «Լավագույն կրթօջախ» - ի մրցանակակիր:

    Մրցանակաբաշխությանը մասնակցող դպրոցները պետք է գրանցված լինեն որպես մեկօրյա դպրոց կամ գործեն որպես մասնագիտացված կրթական հաստատութ­յուն՝ տեղի հայկական համայնքային կազմակերպությանը, հայկական կառույցին կամ եկեղեցուն կից կամ տեղական իշխանությունների ենթակայության տակ գտնվող կրթամշակութային հաստատություններում:
     
    Մրցույթին մասնակցել ցանկացողները լրացված հայտադիմումները պետք է ներկայացնեն ՀՀ սփյուռքի նախարարություն մինչև ս. թ. նոյեմբերի 15-ը:
     
     
    Բ. «Մայրենիի պաշտպան» մրցույթի կազմակերպման նպատակն է խրախուսել սփյուռքյան կառույցներին և անհատներին, ովքեր մեծ ներդրում ունեն մայրենիի պահպանման, տարածման, հայեցի լեզվամտածողության ձևավորման, հայեցի կրթության և դաստիարակության, Սփյուռքի գրական-գեղարվեստական կյանքի զարգացման բնագավառում:
    «Մայրենիի պաշտպան» մրցույթին կարող են մասնակցել Սփյուռքում գործող համայնքային կազմակերպություններ, կրթօջախներ, մշակութային հաստատություններ, մայրենի լեզվի ուսուցիչներ, լեզվաբաններ, մշակույթի, գրական գործիչներ, գործարարներ:

    Մրցույթին մասնակցել ցանկացողները լրացված հայտադիմումները պետք է ներկայացնեն ՀՀ սփյուռքի նախարարություն մինչև ս. թ. նոյեմբերի 15-ը:

    Հայտադիմումին կից անհրաժեշտ է ներկայացնել նաև
    -լուսանկար,
    -կրթության մասին փաստաթուղթ (պատճենը),
    -համայնքի, կառույցի կամ դպրոցի բնութագիր-երաշխավորագիր,
    -որպես «Մայրենիի պաշտպանի» իր գործունեության նկարագիրը:

    Գ. «Ցեղասպանության 100-ամյակը» խորագրով շարադրությունների մրցույթի նպատակն է`

    -նպաստել սփյուռքահայ սերունդների կողմից հայոց Մեծ եղեռնի ու դրա հետևանքների ընկալմանը, Ցեղասպանության` որպես կոլեկտիվ հիշողության ամրապնդմանը,

    -խրախուսել սփյուռքահայ երիտասարդության կողմից Ցեղասպանության 100-ամյա տարելիցը նշելու ժամանակակից գաղափարների առաջքաշումը, միջոցառումների, շարժումների կազմակերպումը, դրանցում երիտասարդ սերնդի ներգրավումը,

    -նպաստել սփյուռքահայ երիտասարդ սերնդի ներգրավմանը Հայ դատի, Ցեղասպանության միջազգային ճանաչման և դատապարտման, պահանջատիրության և հատուցման գործընթացներում:

    Մրցութային աշխատանքներում հստակորեն պետք է արտացոլված լինեն մասնակցի պատկերացումներն առաջադրված թեմայի վերաբերյալ: 
     
    Մրցույթին կարող են մասնակցել սփյուռքահայ աշակերտներ և ուսանողներ: Յուրաքանչյուր մասնակից իրավունք ունի մրցույթին մասնակցել մեկ ստեղծագործությամբ` շարադրություն, էսսե, ակնարկ:

    Մրցութային աշխատանքները պետք է ներկայացնել մինչև 2012 թվականի նոյեմբերի 15-ը:Ներկայացվող աշխատանքները չպետք է գերազանցեն համակարգչային 5 էջը։

    Աշխատանքները ներկայացվում են էլեկտրոնային տարբերակով։
    Տիտղոսաթերթի վրա նշվում է՝
    - Ազգանուն, անուն, հայրանուն
    - Ծննդյան թիվը
    - Հասցե, հեռախոս
    - Էլեկտրոնային փոստի հասցեն
    - Ուսումնական հաստատության անվանումը, վայրը, հասցեն և հեռախոսահամարը
    - Համայնքը /տարածաշրջանը/:
     
    «Հայկական կրթօջախ», «Մայրենիի պաշտպան» և «Ցեղասպանության 100-ամյակը» խորագրով շարադրությունների մրցույթների արդյունքները կամփոփվեն ս.թ. դեկտեմբերին:

    Յուրաքանչյուր անվանակարգի համար գործում են մասնագիտական մրցութային հանձնաժողովներ:
    Բոլոր անվանակարգերում մրցանակակիրներից կպահանջվեն նաև բանկի տվյալներ (անվանում, հասցե, SWIFT, հաշվեհամար), ինչպես նաև անհրաժեշտ լրացուցիչ տեղեկատվություն: 

    Մրցույթներին մասնակցել ցանկացողները մասնակցության հայտերը լրացնում և ներկայացնում են հետևյալ հասցեով կամ էլ.փոստով`

    Հայաստանի Հանրապետության սփյուռքի նախարարություն` Հայաստանի Հանրապետու­թ­յուն, Երևան, Վազգեն Սարգսյան 26/1
    Էլ. հասցե` ministry@mindiaspora.am; allarmenian@mindiaspora.am; press@mindiaspora.am;    կայքեր` www.mindiaspora.am; www.spyurq.am;
    Պատասխանատու՝ Ս. Համբարյան
    Հեռախոս՝ (+37410) 58 56 01 (1-17) 

    «Հայապահպանության գործում ունեցած ավանդի համար» համահայկական ամենամյա մրցանակաբաշխության 2012թ. հայտարարությունը,  հայտերը, հետագայում` մրցութային հանձնաժողովների աշխատանքների, մրցույթների արդյունքների մասին տեղեկատվությունը տեղադրվում են ՀՀ սփյուռքի նախարարության կայքէջում` www.mindiaspora.am, նախարարության «Հայերն այսօր» էլեկտրոնային թերթում` www.hayernaysor.am:
     
     
    Համահայկական ծրագրերի վարչություն
    +37410585601(03)-117,
    allarmenian@mindiaspora.am
    Visiones: 281 | Ha añadido: defaultNick | Ranking: 0.0/0
    Total de comentarios: 0
    Nombre *:
    Email *:
    Código *: