Inicio »
2013 » Marzo » 5 » Հայաշատ Հալեպը վերջին շաբաթվա ընթացքում գրեթե շուրջօրյա հոսանքազրկված է
22:45 Հայաշատ Հալեպը վերջին շաբաթվա ընթացքում գրեթե շուրջօրյա հոսանքազրկված է |
 ՍՓՅՈՒՌՔ
05.03.2013
Հալեպում վերջին շաբաթվա ընթացքում էլեկտրականությունը հազվադեպ է լինում, օրվա մեծ մասը քաղաքը հոսանքազրկված է: Այս մասին «Արմենպրես»-ի հետ զրույցում տեղեկացրեց Բերիո թեմի ազգային առաջնորդարանի մամուլի քարտուղար Ժիրայր Ռեյիսյանը: Շարունակվող բախումների մասին Ռեյիսյանը տեղեկացրեց, որ հայկական թաղամասերը թեպետ ընդհարումների շրջան չեն համարվում, սակայն ռումբերի ձայները մշտապես լսելի են: Քաղաքի Աշրաֆիե կոչվող թաղամասը, որը ժամանակին հայաշատ, նաեւ մարդաշատ եւ աշխույժ թաղամաս էր համարվում, այժմ ամայացած է եւ բուռն բախումների շրջան է դարձել: Բնակիչների մեծամասնությունը հեռացել է թաղամասից:
Անդրադառնալով Բեյրութի ճանապարհին առեւանգված Նազարեթ Սաբունջյանի եւ ավելի վաղ առեւանգված հայ հոգեւորականի խնդրին, մամուլի քարտուղարը նշեց, որ նրանց վերաբերյալ դեռ տեղեկություններ չկան, սակայն ազատ արձակելու ուղղությամբ աշխատանքները շարունակվում են:
Սիրիական ՍԱՆԱ գործակալությունը տեղեկացնում է, որ բախումները շարունակվում են Հալեպի որոշ թաղամասերում: Մասնավորապես Մասաքին Հանանու թաղամասում գտնվող ոստիկանական բաժանմունքի, մշակույթի կենտրոնի, փոստատան մոտ, ինչպես նաեւ Բուսթան ալ Կասր եւ Քալլասա թաղամասերում մեծ թվով զինյալներ են սպանվել, ոչնչացվել են նրանց պատկանող զենքերը:
ՄԱԿ-ի տվյալներով` Սիրիայում շուրջ 23 ամիս շարունակվող բախումների հետեւանքով զոհերի թիվը հասել է շուրջ 70 հազարի, այդ թվում` զոհված հայերի թիվը գերազանցում է չորս տասնյակը:
|
|
Visiones: 778 |
Ha añadido: defaultNick
| Ranking: 0.0/0 |
