Inicio »
2012 » Noviembre » 22 » Հայոց լեզվին նվիրված միջոցառում Ախալքալաքի երիտասարդական կենտրոնում
21:07 Հայոց լեզվին նվիրված միջոցառում Ախալքալաքի երիտասարդական կենտրոնում |
22.11.2012
«Հայոց լեզվի նշանակության և կարևորության մասին երեխաներն ու պատանիները նախ և առաջ պետք է լսեն տանը, իրենց ծնողներից: Սա միայն դպրոցների կամ հատուկ կենտրոնների անելիքը չէ»,- այս խոսքերով սկսվեց Ախալքալաքի երիտասարդական կենտրոնում կազմակերպված միջոցառումը, որը նվիրված էր Հայոց լեզվին: Ներկաները նախ դիտեցին մի հատված առհասարակ գրերի ստեղծման մասին պատմող փաստագրական ֆիլմից, ապա հնարավորություն ունեցան ունկնդրելու կոնկրետ հայոց այբուբենի ստեղծման պատմությունը: Ներկայացնողները կենտրոնի սաներն էին, որոնց մի մասը սովորում է ռուսական դպրոցում և հայերենի հետ առնչվում է միայն այստեղ: Ներկաներից շատերը կարևորեցին կազմակերպված միջոցառումը՝ շեշտելով, որ կարևոր է ամեն մի միջոցառում, որն ուղղված է հայերենի պահպանմանն ու տարածմանը:
Ռոզա Սահակյան
|
|
Visiones: 873 |
Ha añadido: defaultNick
| Ranking: 0.0/0 |
