Inicio »
2012 »
Noviembre »
2 » Հայուհու ռադիոպիեսը` BBC-ի մրցույթի լավագույն աշխատանքների շարքում
17:24 Հայուհու ռադիոպիեսը` BBC-ի մրցույթի լավագույն աշխատանքների շարքում |
02.11.2012
Հայուհու ռադիոպիեսը` BBC-ի մրցույթի լավագույն աշխատանքների շարքում Սեդա Ստեփանյանի «Իսկ արևը շարունակում էր լկտիաբար շողալ» ռադիոպիեսը Բրիտանական խորհրդի և BBC-ի համաշխարհային ծառայության` Ռադիոպիեսների միջազգային 23-րդ մրցույթում ընդգրկվել է լավագույն 7 աշխատանքների ցանկում: BBC-ի համաշխարհային ծառայությունն այս տարի ստացել էր 1000-ից ավելի ռադիոպիեսներ` աշխարհի տարբեր անկյուններից: Ամենամյա մրցույթում հաղթող են ճանաչվում երկու հեղինակ` երկու անվանակարգում` անգլերենը որպես մայրենիով գրված ռադիոպիես և անգլերենը որպես օտար լեզվով գրված ռադիոպիես: Հաղթողները մեկնում են Միացյալ Թագավորություն, արժանանում դրամական պարգևի և հետևում իրենց պիեսի բեմադրմանն ու հեռարձակմանը BBC-ի համաշխարհային ծառայությամբ:
Ռադիոպիեսը հիմնված է մեծ մասամբ իրական դեպքերի վրա և կյանքի ու սիրո մասին է Ղարաբաղյան պատերազմի ընթացքում: Պիեսը առանձնանում է նրանով, որ ներկայացնում է հայկական սովորույթներն ու կյանքը փոքրիկ սահմանամերձ գյուղում:
BBC-ի համաշխարհային ծառայության Ռադիոպիեսների միջազգային մրցույթի վերջնական արդյունքները հայտնի կլինեն տարեվերջին,- հաղորդում է yerkir.am-ը:
|
|
Visiones: 780 |
Ha añadido: defaultNick
| Ranking: 0.0/0 |
