Inicio »
2012 »
Octubre »
22 » ՀՀ սփյուռքի նախարարն ընդունեց ավստրալահայ նկարչուհի Միլանդա դը Մոնտին
01:24 ՀՀ սփյուռքի նախարարն ընդունեց ավստրալահայ նկարչուհի Միլանդա դը Մոնտին |
19.10.2012
Հոկտեմբերի 19-ին ՀՀ սփյուռքի նախարար Հրանուշ Հակոբյանն ընդունեց Ավստրալիայից ժամանած գեղանկարչուհի Միլանդա դը Մոնտին: Միլանդա դը Մոնտն ապրում և ստեղծագործում է Ավստրալիայում, գործունեություն ծավալում Գերմանիայում, նրա աշխատանքները ցուցադրվում են աշխարհի հեղինակավոր ցուցասրահներում և ձեռք բերվում հայտնի կոլեկցիոներների կողմից: Նկարչուհու հավաստմամբ, չնայած իր անուն-ազգանունը հայկական չեն, սակայն նրան բոլորը ճանաչում են որպես հայկական արմատներ ունեցող արվեստագետի:
Նկարչուհին եկել էր ՀՀ սփյուռքի նախարարին տեղեկացնելու արտերկրում ունեցած իր ձեռքբերումների ու հաջողությունների, ինչպես նաև 2013 թվականին Հայաստանում անհատական ցուցահանդես կազմակերպելու մասին: Նկարչուհին պատմեց, որ առանձնակի ոգևորությամբ է ստեղծագործում հայրենիքում, անբացատրելի ուժ է ստանում Հայաստանից:
ՀՀ սփյուռքի նախարար Հրանուշ Հակոբյանը ողջունեց արվեստագետի գործունեությունն արտերկրում, ինչպես նաև Հայրենիքի հետ մշտապես կապ պահպանելու ցանկությունը: Նախարարը ոգևորեց նկարչուհու՝ Հայաստանում ցուցահանդեսով հանդես գալու նախաձեռնությունը՝ հայտնելով, որ նախարարությունը կջակցի նկարչուհուն կազմակերպչական հարցերում:
|
|
Visiones: 798 |
Ha añadido: defaultNick
| Ranking: 0.0/0 |
