Viernes
20.10.2017
06:22
Formulario de entrada
Búsqueda
Calendario
«  Diciembre 2012  »
LuMaMiJuViSaDo
     12
3456789
10111213141516
17181920212223
24252627282930
31
Archivo de registros
Nuestra encuesta
Estimen mi sitio
Total de respuestas: 35
Amigos del sitio
  • Cree su sitio
  • Estadística

    Total en línea: 1
    Invitados: 1
    Usuarios: 0

    Asociación Armenia Ararat

    Inicio » 2012 » Diciembre » 26 » Հոլիվուդյան «Աշխարհի վերջը» ֆիլմում կհնչի Ջիվան Գասպարյանի երաժշտությունը
    23:24
    Հոլիվուդյան «Աշխարհի վերջը» ֆիլմում կհնչի Ջիվան Գասպարյանի երաժշտությունը

    26.12.2012


    Միջազգային փառքի արժանացած դուդուկահար Ջիվան Գասպարյանի համար անցնող 2012 թվականը ձեռքբերումներով լի էր: Դուդուկի վարպետը երաժշտություն է ձայնագրել նաեւ հոլիվուդյան «Աշխարհի վերջը» ֆիլմի համար:
    «Արմենպրես»-ի թղթակցի հետ զրույցում Գասպարյանը նշեց, որ արդեն երեք տարի ընթացող եւ բավականին մեծ բյուջե ունեցող ֆիլմի նկարահանումները կշարունակվեն նաեւ 2013-ի ընթացքում:

    «Դեռ հստակեցված չեն ֆիլմի ավարտի հետ կապված ժամկետներն ու այլ մանրամասներ, որոնք, կարծում եմ, հայտնի կդառնան եկող տարում»,- ասաց Գասպարյանը: Ամերիկյան լավագույն ֆիլմերի երաժշտական ձեւավորումը հաճախ վստահվում է հենց Գասպարյանին: Նա երաժշտություն է գրել 40-ից ավելի արտասահմանյան ֆիլմերի համար, որոնց թվում են «Ռուսական տուն», «Եվգենի Օնեգին», «Դոկտոր Ժիվագո», «Գլադիատոր» ֆիլմերը:

    Լեգենդար երաժիտը հաճախ է նշել, որ ֆիլմերի համար նվագելիս հեղինակներն իրենից ակնկալում են այն երաժշտությունը, որն առաջին հերթին ինքն է զգում:

    Սուրբ Ծնունդին եւ Ամանորին ընդառաջ Գասպարյանը մաղթեց հայ ժողովրդին խաղաղություն եւ նորանոր հաջողություններ:

    «Անցնող տարին լավ, ուրախ տարի էր հայության համար չնայած եւ կորուստներին»,- ասաց երաժիշտը: Նա նշեց, որ իր ստեղծագործական գործունեության մեջ առանձնացել են իր համերգային շրջագայությունները Ռուսաստանում, Փարիզում, Գերմանիայում, այլուր, որոնք կշարունակվեն նաեւ հաջորդ տարի:

    Դուդուկահարը տեղեկացրեց, որ գալիք տարում մեծ մասշտաբի բազմաթիվ նախագծերի մանսակցություն է ծրագրվում, որոնց մանրամասները հայտնի կդառնան առաջիկայում: «Այժմ ամեն ինչ կարծես իրար է խառնվել աշխարհում, բազմաթիվ իրադարձություններ են կատարվում, բայց շատ կարեւոր է, որ մարդիկ չտխրեն, չնեղվեն եւ շարունակեն ապրել իրենց կյանքով»,- ասաց ՀՀ ժողովրդական արտիստը, ով ՅՈՒՆԵՍԿՕ-ի քառակի ոսկե մեդալակիր է:

    Ջիվան Գասպարյանը աշխարհին հայտնի դարձավ մասնավորապես «Գլադիատոր» ֆիլմի սաունդթրեքից հետո, որտեղ հնչում է հայկական ազգային դուդուկը դասական սիմֆոնիկ նվագախմբի հետ:
    Visiones: 301 | Ha añadido: defaultNick | Ranking: 0.0/0
    Total de comentarios: 0
    Nombre *:
    Email *:
    Código *: