Domingo
24.09.2017
06:06
Formulario de entrada
Búsqueda
Calendario
«  Diciembre 2016  »
LuMaMiJuViSaDo
   1234
567891011
12131415161718
19202122232425
262728293031
Archivo de registros
Nuestra encuesta
Estimen mi sitio
Total de respuestas: 35
Amigos del sitio
  • Cree su sitio
  • Estadística

    Total en línea: 1
    Invitados: 1
    Usuarios: 0

    Asociación Armenia Ararat

    Inicio » 2016 » Diciembre » 14 » ԻՍՊԱՆԱԿԱՆ ԱՆԿՅՈՒՆ ՀԱՅԱՍՏԱՆՈՒՄ
    01:08
    ԻՍՊԱՆԱԿԱՆ ԱՆԿՅՈՒՆ ՀԱՅԱՍՏԱՆՈՒՄ

    Իսպանական անկյուն Հայաստանում

    1

    Վալենսիայի «Արարատ» հայկական միության հերթական նախաձեռնությունը նպատակաուղղված է ստեղծել իսպանական անկյուններ Հայաստանի տարբեր շրջաններում և մարզերում: Եվ ահա, այս նպատակով, օրերս հանդիպում տեղի ունեցավ միության նախագահ Արարատ Ղուկասյանի և Կոտայքի մարզային գրադարանի տնօրեն Անահիտ Խեչոյանի միջև: 

    Հանդիպման ընթացքում, որը հնարավոր դարձավ Արարատ Ղուկասյանի մանկության ընկեր Վարազդատ Հովհաննիսյանի միջոցով, պայմանավորվածություն ձեռք բերվեց վերոհիշյալ անկյունը բացել հենց այդ գրադարանում, որը գտնվում է Հրազդան քաղաքում՝ Ղուկասյանի ծննդավայրում: Հենց այս գրադարանից է, այժմ արդեն իսպանաբնակ հյուրը, ուսանողական տարիներին հաճախակի օգտվել, գտել պատասխանները բազմաթիվ հարցերի:

    Գրադարանի աշխատակիցները, Անահիտ Խեչոյանի գլխավորությամբ, ջերմորեն և խանդավառությամբ ընդունեցին իսպանաբնակ հյուրին, ով կենտրոնին նվիրեց իր վերջին աշխատությունը՝ «Փնտրտուքների ճանապարհին» բանաստեղծությունների ժողովածուն, որի շնորհանդեսն առաջիկայում տեղի կունենա նաև հենց այդտեղ: Երկուստեք պայմանավորվածություն ձեռք բերվեց խթանել գրադարանի գործունեությունը՝ բազմաբնույթ ու բազմանովանդակ նախաձեռնություններով, որոնք կնպաստեն երիտասարդության ներգրավվածությանը՝ գրադարանի միջոցառումներին և հետաքրքրասիրությանն՝ ընթերցանությանը:

    Արարատ Ղուկասյանի այս այցով հիմք է դրվում Հայաստանում իսպանական մշակույթի ձևավորմանն ու զարգացմանը: Վերջինս իր հետ բերել էր նաև իսպաներեն գրականություն, որը նվիրաբերվեց կենտրոնին: Այստեղ մի անկյուն է հատկացվել, որտեղ կտեղադրվեն գրքերը: Հետագայում անկյունը կվերածվի մի ընդարձակ սենյակի, որտեղ տեղ կգտնեն իսպանական մշակույթն ու Իսպանիան հիշեցնող ամեն ինչ:

    «Սերվանտեսի անկյուն»… Այսպես կանվանվեն այն կենտրոնները, որոնք կբացվեն Հայաստանի տարբեր շրջաններում ու գյուղերում և որոնց հիմքը դրվեց Հրազդանում՝ Կոտայքի մարզային գրադարանում: Կենտրոններում ոչ միայն կիրականացվեն իսպանական մշակույթին վերաբերող միջոցառումներ, այլ նաև կկազմակերպվեն հայ-իսպանական միջմշակութային նախաձեռնություններ, որոնցով հնարավոր կլինի խթանել փոխհարաբերությունները երկու երկրների միջև: Կենտրոններում նաև հնարավորություն կընձեռնվի ուսանել իսպաներեն՝ ամենամյա դասընթացների միջոցով: Եվ, ի վերջո, դրանք լավ առիթ կհանդիսանան իսպանական տուրիզմը մեր հայրենիքում զարգացնելու համար:

    Դե ինչ, հաջող ընթացք մաղթենք «Արարատ» հայկական միության նոր նախաձեռնությանը և սպասենք այլ նորարարությունների:

    Visiones: 35 | Ha añadido: defaultNick | Ranking: 0.0/0
    Total de comentarios: 0
    Nombre *:
    Email *:
    Código *: