Inicio »
2013 » Marzo » 1 » Մարդասիրական օգնություն սիրիացի փախստականներին
15:12 Մարդասիրական օգնություն սիրիացի փախստականներին |
 ՀԱՍԱՐԱԿՈՒԹՅՈՒՆ
Սիրիայում ընթացող իրադարձությունները շատ սիրիացիների ստիպեցին ժամանակավորապես լքել իրենց հայրենիքը: Մի քանի հազար փախստականներ ապաստան գտան Հայաստանում:
Պետության կողմից իրականացվող միջոցառումներին զուգահեռ սիրիացի փախստականներին կենսական անհրաժեշտության պարագաներով` հագուստ, կենցաղային իրեր, հիգիենիկ պարագաներ, ջանադրաբար օգնության է հասնում նաև «Առաքելություն Հայաստան»հասարակական կազմակերպությունը, որը համագործակցում է ՄԱԿ ՓԳՀ-ի (UNHCR) հետ: Բացի այդ` «Առաքելություն Հայաստան»-ի աշխատակիցները դյուրացնում են սիրիացի փախստականների` առողջապահական ծառայություններից օգտվելու հնարավորությունները և ապահովում նրանց անհրաժեշտ խորհրդատվությամբ:
Հայաստանում Գերմանիայի դեսպանությունն աջակցում է «Առաքելություն Հայաստան» կազմակերպության գործունեությանը` Հայաստանում սիրիացի փախստականների համար կազմակերպվող մարդասիրական օգնության նպատակով տրամադրելով 20 հազար եվրո:
«Հայաստանում Գերմանիայի Դաշնային Հանրապետության դեսպան Ռայներ Մորելը և «Առաքելություն Հայաստան» կազմակերպության նախագահ Հռիփսիմե Կիրակոսյանը այսօր Գերմանիայի դեսպանությունում հանդիսավորապես ստորագրեցին աջակցության մասին պայմանագիրը»,- հաղորդում է դեսպանատան մամուլի ծառայությունը:
|
|
Visiones: 799 |
Ha añadido: defaultNick
| Ranking: 0.0/0 |
