Inicio »
2012 » Octubre » 30 » Միսլատայում հայ փոքրիկները նկարների միջոցով պատկերել են իրենց դպրոցները
13:02 Միսլատայում հայ փոքրիկները նկարների միջոցով պատկերել են իրենց դպրոցները |
 ՍՓՅՈՒՌՔ ՄՇԱԿՈՒՅԹ
30.10.2012
Թե ինչպիսին են պատկերացնում վալենսաբնակ հայ երեխաներն իրենց դպրոցը, պատմում են իրենց իսկ վրձինները, որոնք կտավին են հանձնել գիտելիքի ակունքը հանդիսացող օջախի նկարագիրը: Իսպանիայի «Արարատ» հայկական միության կազմակերպած հերթական մանկական ցուցահանդեսի խորագիրն էր «Իմ դպրոցը»: Այս մասին «Հայերն այսօր»-ին տեղեկացնում են «Արարատ» միությունից:
Ցուցահանդեսում ներկայացվել էին Միսլատայի հայկական կիրակնօրյա դպրոցի սաների աշխատանքները: Սա թվով չորրորդ մանկական ցուցահանդեսն է, որն իրականացվել է «Արարատ» միության նախաձեռնությամբ 2012 թվականի ընթացքում և որը նպատակ է հետապնդում երեխաների մեջ արթնացնել սերը նկարչական արվեստի և միաժամանակ հայկական արժեքների՝ լեզվի, դպրության, հայրենիքի, մայրիկի, հայ ընտանիքի ու ինքնության հանդեպ:
Ինչպես և նախորդ ցուցահանդեսները, այս մեկը ևս ընդգրկում էր մրցութային մաս:
Այս անգամ իրենց հրաշալի աշխատանքների համար հաղթողներ ճանաչվեցին Ղուկասյան Հայկը (13 տարեկան), Գասպարյան Էլենը (11 տարեկան) և Շագոյան Թամարան (6 տարեկան)՝ համապատասխանաբար գրավելով 1-ին, 2-րդ և 3-րդ տեղերը: Վերջիններս, ինչպես նաև ցուցահանդեսի բոլոր մասնակիցները, ստացան նվերներ ու մրցանակներ: Շնորհակալական մրցանակ ստացավ նաև դպրոցի նորեկ ուսուցչուհի և միության ակտիվ անդամ Մարինե Արզումանյանը:
Այս տարվա ցուցահանդեսների շարքն իր վերջնագծին կհասնի դեկտեմբերին, երբ երեխաները կներկայացնեն «Ամանոր» խորագիրը կրող նոր ցուցահանդեսը:
|
|
Visiones: 929 |
Ha añadido: defaultNick
| Ranking: 0.0/0 |
