Asociación Armenia Ararat

Inicio » 2011 » Mayo » 20 » Սփյուռք Մշակույթ

---

02:34 Սփյուռք Մշակույթ

Սփյուռք Մշակույթ 10.05.2011 Վալենսիան` հայկական մշակութային իրադարձությունների կենտրոն Ապրիլ-մայիս ամիսներին Միսլատան դարձել էր Իսպանիայում հայկական մշակութային իրադարձությունների կարևոր վայր: Մեկ ամսվա ընթացքում քաղաքի մշակութային կենտրոնում կազմակերպվեց երեք ձեռնարկ, որոնք Վալենսիայի համայնքում ներկայացնում էին հազարամյա հայկական մշակույթը: Մի քանի օր առաջ Միսլատայի հայկական քոլեջի սաները ներկայացրին «Մկների ժողովը» հեքիաթի վրա ստեղծված մանկական բեմադրությունը: Այնուհետև տեղի ունեցավ Հայոց Ցեղասպանության 96-րդ տարելիցին նվիրված համերգ` սփյուռքահայ ջութակահար Արա Մալիկյանի մասնակցությամբ: Իսկ մայիսի 4-ին «Արարատ» հայկական ընկերակցության հրավերով հանդես եկավ «Կարին» ազգագրական երգի և պարի համույթը, որն օրեր առաջ մասնակցել էր Պալմա դե Մայորկայում տեղի ունեցած Ազգային պարերի միջազգային փառատոնին` շահելով պարերի անվանակարգում առաջին, իսկ երգի անվանակարգում` երկրորդ մրցանակները: Առաջին անգամ Եվրոպայում «Կարինը» ներկայացրեց հազարամյակների վաղեմություն ունեցող հայկական ազգային պարերը: Համերգին ներկա էին ավելի քան 200 հայ և իսպանացի հանդիսատես: Իսպանացիներն իրենց համար բացահայտեցին հայկական մշակույթը, իսկ հայերն ինչ-որ չափով հայրենիքի կարոտն էին առնում: Իր հերթին Միսլատայի քաղաքապետարանը, հասարակությանը տալով գրեթե անհայտ մշակույթների հետ ծանոթանալու հնարավորություն, ևս մեկ անգամ ապացուցեց, որ կողմ է բազմամշակութային քաղաք ունենալուն և ազգերի ներդաշն համակեցությանը:

1 2 3 4 5 Visiones: 1068 | Ha añadido: defaultNick | Ranking: 0.0/0

Total de comentarios: 0