Մշակույթ
Սփյուռք
10.05.2011
Դարերի հոլովույթում մեզ ապրեցրել ու օգնել է հաղթել նաև մեր մշակույթը: Այս անգամ հաղթեցինք պարով:
«Կարին» ազգագրական երգի-պարի համույթը
հաղթանակած վերադարձավ Իսպանիայի Պալմա դե Մայորկա քաղաքում անցկացված
Պարի համաշխարհային մրցույթից:
Բարսելոնում Հայաստանի Պատվո հյուպատոս Խուան սան Մարտինի և «Արարատ»
մշակութային միության նախագահ Արարատ Ղուկասյանի օժանդակությամբ համերգներ
կազմակերպվեցին նաև Բարսելոն և Վալենսիա քաղաքների հայ համայնքների համար:
Վերադարձին հայկական երգն ու պարը հնչեց նաև Ստամբուլում: Հայոց
պատրիարքարանի նախաձեռնությամբ փոքրիկ համերգ կազմակերպվեց: Ի դեպ,
հետաքրքիր զուգադիպությամբ այդ օրերին Ստամբուլում էր գտնվում Հայաստանի
Հանրապետության սփյուռքի նախարար Հրանուշ Հակոբյանը:
«Խանդավառությունը մեծ էր Ստամբուլում: Վաղուց այնտեղ չէր հնչել հայկական
ազգային երաժշտություն: Մարդիկ հուզված, արցունքն աչքերին, մոտենում էին
մեզ, համբուրում, շնորհակալություն հայտնում, որ օգնեցինք զգալու հայ պարի
ու երգի ոգեղեն ուժը: Իհարկե, մեկ համերգով շատ բան անել չես կարող:
Պարզապես պիտի գիտակցենք, որ Սփյուռքը, մեր հայ տեսակը պահելու համար
հարկավոր է ապավինել ազգային արժեքներին»,- նշեց «Կարին» ազգագրական երգի –
պարի համույթի ղեկավար Գագիկ Գինոսյանն այսօր Երևանում կազմակերպված մամլո
ասուլիսում:
| 
