Asociación Armenia Ararat

Catálogo de artículos

Inicio » Artículos » Mis artículos

---

ԼՌԵՑՎԱԾ ՑԵՂԱՍՊԱՆՈՒԹՅՈՒՆ

Այս խորագիրն է կրում իսպանացի նկարիչ Մելչոր Մոնաստերիոյի աշխատությունների հավաքածուն, որն ի ցույց է դրվել հասարակությանը Միսլատայի Երիտասարդական Կենտրոնում՝ «Արարատ» Հայկական Միության նախաձեռնությամբ: Սա «Հայոց Ցեղասպանության 100-ամյակին ընդառաջ» միջոցառման շրջանակներում կազմակերպվող հերթական նախաձեռնություններից մեկն է, որն այցելուների դատին կներկայա մինչև սեպտեմբերի 14-ը: Իսկ բացման արարողությունը տեղի ունեցավ սեպտեմբերի 4-ին, որին ներկա էին տարբեր միությունների, այդ թվում՝ Միսլատայի Միջազգային Մարդասիրական Միության ներկայացուցիչներ, գրող Խոսե Մարիա Կալը, հայեր, իսպանացիներ: Բացման խոսքում հայկական միության նախագահ Արարատ Ղուկասյանը մասնավորապես նշեց, որ «այնպիսի տպավորություն է ստեղծվում, որ երկու թուրքական պետությունների քաղաքական գաղափարախոսության մեջ, այս էլ արդեն 100 տարի է, գրեթե ոչինչ չի փոխվել. այսպիսին են եղել թուրքերը XIX և XX դարերում, և նույնն են մնացել հիմա՝ «ժողովորդավարական» կոչվող XXI դարում: Նրանք սպանում են, որովհետև հայ ես, որովհետև քրիստոնյա ես: Իսկ պետությունը մարդասպաններին կամ ներում ու հերոսացնում է, կամ էլ չի դատապարտում ինչպես որ հարկն է: Սակայն ոչ ահռելի գումարները, որոնք ծախսվում են Թուրքիայի ու Ադրբեջանի կողմից, ոչ սումգայիթյան ջարդերը, ոչ սամաստները և ոչ էլ սաֆարովները, չեն կարող լռեցնել ցեղասպանության զոհերի ձայները»:    Ավարտելով իր խոսքը՝ Ղուկասյանը ևս մեկ անգամ պահանջեց Թուրքիայի կառավարությանը՝ ճանաչել Հայոց Ցեղասպանությունը և շնորհակալություն հայտնեց հեղինակին՝ Մելչոր Մոնաստերիոյին, իր կատարած հիանալի աշխատանքի համար:    Հեղինակն, իր հերթին, շնորհակալություն հայտնեց «Արարատ» միությանը՝ հայ ժողովրդի վիշտը կիսող իր զգացմունքների արտահայտությունը ներկայացնելու հնարավորություն ընձեռելու համար: կից ներկայացնում ենք նաև միջոցառման տեսանյութը:  http://www.mislatatv.es/index.php?accion=clip&id=978

1 2 3 4 5 Categoría: Mis artículos | Ha añadido: defaultNick (10.09.2012)

Visiones: 816 | Ranking: 0.0/0

Total de comentarios: 0

Nombre *:
Email *:
Código *: